Jetisý oblysynyń taýlarynda joǵalyp ketken tıktoker aman-saý tabyldy, dep habarlaıdy Almaty-akshamy.kz.
«7 maýsymda saǵat 18:50-de Jetisý oblysy TJD kezekshi baılanys púltine 1986 jyly týǵan er adamnyń 6 maýsym saǵat 15:00 shamasynda Eskeldi aýdanynyń taýlarynda ornalasqan Burqan bulaq sarqyramasyna qaraı velosıpedpen ketkeni týraly habarlama kelip tústi. Er adam – Tik-Tok áleýmettik jelisinde óz blogyn júrgizetin saıahatshy, Almaty qalasynyń turǵyny.
«İzdestirý-qutqarý jumystary Qarabulaq aýylynan 40 shaqyrym jerde, Qoryn shatqaly men Burhan bulaq sarqyramasy aýdandarynda júrgizildi.
Jedel júrgizilgen avarıalyq-qutqarý jumystarynyń arqasynda er adamdy saǵat 12:00-de Jetisý oblysy TJD qutqarýshylar toby Burhan bulaq sarqyramasynan 12 km qashyqtyqta tapty. Oǵan medısınalyq kómek qajet bolǵan joq.
İzdestirý jumystaryn júrgizýge TJD-dan 12 qyzmetker men 4 tehnıka, kınologıalyq esep, aýdandyq polısıa bóliminiń 2 qyzmetkeri men 1 tehnıkasy jumyldyryldy», - delingen TJM málimetinde.
Eske salaıyq, 36 jastaǵy Damır Kýsheev izdestirilip jatqany týraly buǵan deıinhabarlaǵan bolatynbyz.