Elektr energetıkasyna qatysty birqatar qoldanystaǵy qýattardy jańǵyrtý jáne jańa óndirýshi qýattardy engizý josparlanýda
QR Premer-Mınıstri Álıhan Smaıylovtyń tóraǵalyǵymen ótken keńeste Otyn-energetıka kesheni men elektr energetıkasy salasyn damytýdyń 2023-2029 jyldarǵa arnalǵan tujyrymdamalarynyń jobalary qaraldy, dep habarlaıdy Almaty-akshamy.kz.
Energetıka mınıstri Bolat Aqsholaqov atap ótkendeı, otyn-energetıka keshenin damytý sheńberinde taýarlyq gaz óndirýdi (+25,5%) jáne respýblıkany gazdandyrý qarqynyn (2029 jyly 63,4%-ǵa deıin), munaı-gaz-hımıa ónimin (6,6 ese), kómir óndirýdi (+3%) ulǵaıtý jáne ekonomıkanyń energıa syıymdylyǵyn (5%-ǵa deıin) tómendetý jónindegi qadamdar qarastyrylǵan.
Elektr energetıkasyna qatysty birqatar qoldanystaǵy qýattardy jańǵyrtý jáne jańa óndirýshi qýattardy engizý josparlanýda, bul qosymsha 11,7 GVt energıa beredi, sondaı-aq jańartylatyn kózderden alynatyn elektr energıasynyń óndirýdiń jalpy kólemindegi úlesin 12,5%-ǵa ulǵaıtýǵa, elektr jelileriniń tozý deńgeıin 47%-ǵa deıin tómendetýge, respýblıkanyń biryńǵaı energıa júıesin qurý jumystaryn aıaqtaýǵa múmkindik beredi.
Munaı-gaz-hımıa ónerkásibinde iri jobalardy, onyń ishinde polıetılen (jylyna 1,250 mln tonna), býtadıen ( 319 myń tonna), polıpropılen ( 80 myń tonna) jáne t. b. shyǵaratyn zaýyttardy iske qosý kózdelgen. Bul rette Teńizde, Qashaǵan jáne Qarashyǵanaqta óndiristik qýattardy keńeıtý, sondaı-aq jańa perspektıvti jobalardy ázirleý esebinen munaı óndirý deńgeıin arttyrý josparlanyp otyr.
Sonymen qatar munaı, gaz, munaı ónimderiniń aınalymyn esepke alýdy, elektr energıasyn óndirý men berýdi avtomattandyrý, iske qosý úshin tehnıkalyq sharttardy elektrondyq túrde berý, tarıf qurýdy avtomattandyrý jáne t. b. salalardy odan ári sıfrlandyrý boıynsha sharalar josparlanǵan.