Almatydaǵy iri bazarlardyń birinde aıaq kıimdi kóterme satýmen aınalysatyn kásipkerlermen kezdesý ótti, dep habarlaıdy almaty-akshamy.kz
Taýarlardy tańbalaý jáne qadaǵalaý aqparattyq júıesindegi kóterme dıstrıbútorlardyń róli júıede ımporttaýshylardan tańbalaý kodtaryn qabyldaý jáne aıaq kıim ónimderin ótkizý kezinde olardy odan ári bólshek saýda dıstrıbútorlaryna berý bolyp tabylady.
Biryńǵaı operator kásipkerlerge taýardy tańbalaý jáne qadaǵalaý aqparattyq júıesinde jumystyń barlyq tehnıkalyq jáne normatıvtik detaldaryn túsindirdi.
Kezdesý barysynda júıeniń egjeı-tegjeıli tehnıkalyq kórsetilimi ótip, júıede tirkelmegen kásipkerler sol jerde tirkelip, ónimdi tańbalaý jáne qadaǵalaý júıesimen jumys isteı bastady.
Biryńǵaı operator ókilderi kásipkerler úshin birqatar jeke keńester ótkizip, olardyń barlyq suraqtaryna jaýap berdi. Kásipkerler tarapynan taýardy tańbalaý jáne baqylaý júıesiniń jumysyna qatysty usynystar eskerildi.
Taýarlardy sıfrlyq tańbalaý men qadaǵalaýdyń basty maqsaty Qazaqstandaǵy taýar aınalymyn ashyq kórsetý bolyp tabylady.
Eske salsaq aǵymdaǵy jyldyń 1 sáýirinen bastap Qazaqstanda tańbalaý jáne qadaǵalaý júıesinde tirkelmegen aıaq kıimderdi satýǵa tyıym salyndy.
Sıfrlyq tańbalaý týraly tolyq aqparat alý úshin 8 800 080 6565 nómiri boıynsha táýlik boıy jumys isteıtin baılanys ortalyǵyna habarlasa alasyz.