Jýrnalıs Janat Baqyt keı jazbalarymen musylmandardyń dinı senimin qorlady.
Oǵan 180 myń teńge kóleminde aıyppul salyndy, dep habarlaıdy Almaty-akshamy.kz.
Dintaný saraptamasy osyndaı qorytyndy jasady.
Bıyl naýryz aıynda jýrnalıs áleýmettik jelidegi paraqshasynda: «Jańa dáýir bastaldy, Allanyń mısıasy aıaqtaldy» dep málimdedi. Bul pikir halyq arasynda túsinbeýshilik týdyryp,sońy daýǵa ulasqan bolatyn. Qazaqstan musylmandary dinı basqarmasy «sharıǵatta Allanyń atynan jalǵan sóıleý óte aýyr kúná» ekenin jýrnalıske eskertti. Atyraý oblysynyń turǵyny sala mamandaryna aryzdanyp, bul is sotta qaraldy.
«Atyraý oblysy Din isteri basqarmasyna qala turǵyny atynan aryz kelip túsken bolatyn. Atalǵan aryzdy áleýmettik jelide tanymal jýrnalıs, jelidegi paraqshalary arqyly ıslam dinine til tıgizip, barsha musylmandardyń, sonyń ishinde jeke óziniń dinı senimine qorlyq jasalǵanyn kórsetken. Osy rette, basqarma tarapynan ınstagram áleýmettik jilesindegi Janat Baqyt jáne Jan jıhan atty paraqshalary din isteri komıtetine dintaný saraptamasyn jasaýǵa joldanǵan bolatyn», - deıdi Atyraý oblysy Din isteri basqarmasynyń bas mamany Erlan Erǵalıev..