Azamattar arasynda taý shańǵysy kýrorttaryna suranystyń aıtarlyqtaı óskeni baıqalady. Úkimet otyrysynda baıandama jasaǵan Mádenıet jáne sport mınıstri Asqat Oralov osylaı málimdedi.
«Azamattar arasynda taý shańǵysy kýrorttaryna suranystyń aıtarlyqtaı ósýi baıqalady. Bul fakt týrızmniń osy segmentiniń joǵary áleýetin kórsetedi. Orta eseppen shańǵy tebýge kelgen týrıser jaǵajaı týrıserine qaraǵanda 5 ese kóp aqsha jumsaıdy jáne olardyń sany jyl saıyn 30%-ǵa ósýde. Taldaýǵa sáıkes, Almaty aglomerasıasyndaǵy taý shańǵysy kýrorttaryna suranys aǵymdaǵy usynystan edáýir asyp túsedi. Qazirgi ýaqytta óńirdegi barlyq taý shańǵysy kýrorttarynyń jalpy ótkizý qabileti kúnine 10 myń shańǵyshyny quraıdy, al áleýetti suranys áldeqaıda joǵary», - dep baıandady mınıstr.
Vedomstvo basshysynyń aıtýynsha, bul máseleni sheship, barlyq múmkindikti tolyq paıdalaný úshin jaqyn arada ınvestısıalyq jobalar ázirlenedi.