Almaty qalasy máslıhatynyń HHHIH sessıyasynda deputattar jergílíktí byudjet esebínen qarjylandyrylatyn aurular men dárílík preparattar tízímín keńeıtu jóníndegí máselení bírauyzdan qoldady. Būl sheshím úsh túrlí nozologıyaǵa shaldyqqan alty patsıentke qatysty.
Qarjylandyrudyń jalpy somasy 128 mln teńgení qūraıdy. Qoǵamdyq densaulyq saqtau basqarmasy ūsynǵan nozologıyalar áleumettík mańyzy joǵary, keı jaǵdaılarda sırek árí auyr dertterdíń sanatyna jatady.
Jergílíktí byudjet esebínen ambulatorıyalyq deńgeıde dárílík preparattar júıelí qyzyl jegí, qysqa íshek sındromy jáne optıkomıelonevrıt (Devık auruy) dıagnozy bar patsıentterge jetkízíledí.
"Būl patologıyalarmen auyratyn nauqastar úshín zamanauı preparattardy qoldanu – jaı ǵana medıtsınalyq qajettílík emes, aurudy tūraqtandyrudyń, eńbekke qabílettílíktí saqtaudyń jáne múgedektíkke jol bermeudíń jalǵyz joly. Ūsynylǵan árbír másele – óńír tūrǵyndarynyń naqty qajettílígíne negízdelgen. Ár sannyń artynda qıyn ómír jaǵdaıyna tap bolǵan adamdar men olardyń otbasylary tūr", – dedí Almaty qalasy Qoǵamdyq densaulyq saqtau basqarmasy basshysynyń orynbasary Láıla Imanǵalıeva.
Aıta keteıík, Qazaqstan Respublıkasynyń "Halyq densaulyǵy jáne densaulyq saqtau júıesí turaly" Kodeksíne sáıkes, 2017 jyldan berí orfan aurularymen auyratyn patsıentter qymbat dárílík preparattarmen negízínen máslıhattardyń sheshímí boıynsha jergílíktí byudjet esebínen qamtamasyz etíledí.