Alty saǵatqa sozylǵan sabantoıda qonaqtar tatar-bashqurttardyń ulttyq taǵamynan dám tatty.
Táýelsiz Qazaqstannyń basty baılyǵy - baıtaq elimizdegi ulttar tatýlyǵy. Sabantoı qaladaǵy túrli ult ókilderiniń basyn biriktiretin dástúrli meıramǵa aınalǵan. Mereke tatar halqynyń kóp jyldyq dástúrlerimen tanystyryp, ult dostyǵyn nyǵaıta túsýge úles qosady. Mereke, eńbek pen dostyqtyń merekesi. Elimiz aman, jurtymyz tynysh bolsyn, - dedi Tatar-Bashqurt kongresi aqsaqaldar keńesiniń tóraǵasy Grıf Tımýruly.
BAQ.kz málimeti boıynsha sheberlerdiń qolynan shyqqan buıymdardan qaz-qatar tizilgen jármeńke qonaqtar nazaryna usynyldy. Balalar asfáltqa sýret salyp jarysty.
Eske salaıyq, «Saban» degen sózdiń ózi «soqa» degen maǵynany bildiredi. Bul belgili bir kúnge josparlanbaǵan mereke. Saban týı (toı) – tatar, bashqurt halyqtarynyń burynnan beri kele jatqan meıramy. Bul – Naýryz merekesinen keıin kóp sharýa bitken soń, shóp shabýǵa deıin jalǵasatyn meıram.