Semeı ormanyn qalpyna keltirýge qansha ýaqyt ketedi?
Ol úshin ondaǵan jyl kerek. Abaı oblysynda órtke oranǵan ormandy qalypqa keltirýge qansha ýaqyt ketetinine qatysty jaýap bergen Ekologıa jáne tabıǵı resýrstar mınıstri Zúlfıa Súleımenova osylaı málimdedi, dep habarlaıdy almaty-akshamy.kz QazAqparat silteme jasap.
«Qazir shamamen 60 myń gektar dep aıtyp jatyrmyz. Bul jerde órttiń oqshaýlanǵanǵa deıingi aýmaǵyn aıtyp otyrmyz. Al ormandy qalypqa keltirýge qansha ýaqyt ketedi? Órtten keıin qyzmettik tekseris júredi. Alǵashqy kezeńde janǵan aýmaqty tazartý jumystary atqarylady. Oǵan shamamen 3-4 jyl ketedi. Ormandy qaıta qalpyna keltirý - óte kúrdeli is. Ol úshin ondaǵan jyl kerek», - dep jaýap berdi mınıstr jýrnalıserdiń saýalyna oraı.