Almatyda jolaýshylar avtobýsynyń júrgizýshisi jaıaý júrginshiler ótkelinde qyzdy qaǵyp ketti, dep habarlaıdy aqshamnews.kz tilshisi.
Áleýmettik jelilerde kólik quralymen qyzdy qaǵyp ketý sáti túsirilgen vıdeo jarıalandy. Jol apaty keshe, 9 jeltoqsanda, kúndiz bolǵan.
Almaty Polısıa departamenti oqıǵa bolǵanyn rastady.
"Saǵat 10:54-te Almaty qalasynyń Almaly aýdanynda batys baǵytta Tóle bı dańǵyly boıymen kele jatqan avtobýs júrgizýshisi Isaev kóshesimen qıylysqan tusta 2007 jyly týǵan, belgilengen jaıaý júrginshiler ótkelimen ótip bara jatqan jaıaý júrginshini qaǵyp ketken. Jábirlenýshi aýrýhanaǵa jetkizildi", - delingen habarlamada.
Almaty qalasy Tergeý basqarmasy jol apatyna qatysty qylmystyq is qozǵady. Avtobýs júrgizýshisi qamaýǵa alynyp, ýaqytsha ustaý ızolátoryna qamaldy.