Tanymal ánshí, Qazaqstannyń eńbek síńírgen qaıratkerí Toqtar Seríkov jary Beıbít Seıdualıevamen qalaı shańyraq kótergenín aıtty, - dep habarlaıdy aqshamnews.kz tílshísí.
Būl turaly ol "Habar" arnasyna bergen sūhbatynda bólístí.
Qazaqta sóz bar ǵoı. “Dosyńdy jūrtqa tastama” deıtín. It ekesh ıttíń ózí ūyalasyn dalaǵa tastamaıdy. Sondaı belesterdíń bárín bírge baǵyndyryp alyp, sondaı ataq-dárejelerdíń báríne qol jetkízíp alyp, orta jolǵa kelgen kezde meníń Beıbítpen úılenbeı ketuím ol bír “ábestík” bolar edí. Qazaq deıtín halyq shynymen de meníń kelíp, betíme túkíruí múmkín edí. Qol ūstasyp bírge júrgesín, ar men ūyattan attamaudyń jolyn oıladym. Onyń ústíne ekeumízdíń áke-sheshemíz tírí. Áke-sheshesíne Alla razy bolsyn! Jánnattyq bolsyn dep tíleımíz! Keremet meıírban kísíler bolatyn. Mení balasyndaı jaqsy kóretín. Bíz úılenemíz, úılenbeımíz shataǵy joq. Bízge degen mahabbaty zor boldy. Áserese men kelgende balasy kelgendeı qarsy alatyn. Maǵan “sharshap tūrsyń ǵoı. Tósek salyp qoıdyq. Ūıyqtap alshy” dep jalynatyn. Sharshap tūramyn ǵoı. Joldan kelemín. Meníń ne jeıtínímdí, qandaı jyly jūmsaq jaqsy kóretínímdí, bárín bílíp alǵan. Soǵan deıín mamasy daıyndap qoyatyn. Jolǵa ketíp bara jatsam, tamaq salyp beretín. “Toqtardyń qarny ashyp qalmasyn” dep. Endí, anadaı mahabbattan attap ketu ol essízdík bolatyn edí. Jasyratyny joq. Bír túıír dánge aldanǵan joqpyn. Peıíldí kórdím. Sondaı mahabbatty kórdím. Máńgílík meníń adamym eken ǵoı dep, sol kezde qasymda qaldy. Áıtpese, men eshkímnen jasyrmaımyn. Álí kúnge deıín de aıtamyn. Bízdíń mahabbatymyzǵa bóget bolǵan jandar da bolǵan. “Qosylmasa” dep tílegender de bolǵan. Aǵaıyn-tuysqandar emes. Jalpy, bízdíń ónerde júrgen azamattardyń da bíraz kedergí jasaǵan kezderí bolǵan. Bíz ekeumízdíń alǵa qoıǵan maqsatymyz - bíreu. Múdde - bíreu. Ekeumíz kúresíp shyqtyq.