Almatyda sport pen týrızm salasynda júzege asyrylyp jatqan jobalar týraly qala ákimi Darhan Satybaldy máslıhat sesıasynda baıandady.
Ákimniń aıtýynsha, Memleket basshysynyń tapsyrmasy boıynsha halyqaralyq deńgeıdegi stadıon qurylysy jalǵasady. Qazir onyń syıymdylyǵyn 35 myńnan 45 myń orynǵa deıin arttyrý máselesi qarastyrylyp jatyr. Joba 2027 jyldyń sońynda bitedi dep josparlanǵan.
"Sondaı-aq "Medeý" muz aıdynyndaǵy ınjenerlik komýnıkasıalardy tolyq aýystyrý arqyly jańǵyrtý júrgizilip jatyr", – dedi Darhan Satybaldy.
Sonymen qatar, onyń aıtýynsha, 2025-2029 jyldarǵa arnalǵan Almaty taý klasterin damytýdyń keshendi jospary júzege asyrylyp jatyr. Osy jospar aıasynda týrısik, kóliktik jáne ınjenerlik ınfraqurylym nysandary salynady.