Qazaqstandyqtar áleumettík jelílerdegí alayaqtyq turaly únemí shaǵymdanady. Jasandy ıntellekt jáne tsıfrlyq damu mınıstrlígí telefon alayaqtarynyń áreketterínen qorǵaudy kúsheıtu boıynsha qabyldanyp jatqan sharalar turaly habarlady, - dep aqshamnews.kz habarlaıdy tílshísí.
Vedomstvo málímetínshe, būǵan deıín bírqatar memlekettík aqparattyq resurstar men servısterge kíru bír rettík kod arqyly ǵana júrgízíldí.
"Saldarynan alayaqtar aılasyn asyrdy, "jábírlenushíníń" telefon nómírín engízíp, 1414 nómírí arqyly SMS-habarlama jíberíp otyrdy. Osyǵan baılanysty aqparattyq júıelerdíń ıeleríne 1414 nómírínen SMS jíberu tetígín qoldanu úshín qoljetímdílík talaptaryn kúsheıtu tapsyryldy", - delíngen habarlamada.
Endí 1414 SMS-shlyuzín paıdalanatyn aqparattyq júıelerge kíru qosymsha qorǵalady jáne tek bıometrıyalyq autentıfıkatsıya (FaceID), elektrondyq tsıfrlyq qoltańba (ETsQ) nemese arnaıy QR-kod (eGov QR) arqyly ǵana múmkín bolady.
"Bıylǵy jeltoqsannan bastap joǵaryda kórsetílgen míndettí talaptardy engízbegen aqparattyq júıeler 1414 SMS-shlyuzín paıdalanu qyzmetínen ajyratylady".
Būl rette azamattardyń tsıfrlyq sauattylyǵyn arttyru maqsatynda eGov Mobile mobıldí qosymshasynda kúdík tuǵyzatyn áreketterdí anyqtau, kıbergıgıena talaptaryn saqtau jáne tsıfrlyq servısterdí qauípsíz paıdalanu jóníndegí ūsynystary bar aqparattyq bannerler ornalastyrylǵan.