Ázirge Aqmola oblysynda qosyldy.
QR Eńbek jáne halyqty áleýmettik qorǵaý mınıstrligi 2024 jylǵy 16 sáýirde sý tasqynynan zardap shekkender smartfon arqyly kómek alýǵa ótinish bere alatynyn málimdedi, dep habarlaıdy Almaty-akshamy.kz
Aqmola oblysynda sý tasqynynan zardap shekkenderge Egov Mobile qosymshasy arqyly kómek alýǵa ótinim berý boıynsha pılottyq joba iske qosyldy.
"Jańa fýnksıonaldy Eńbek jáne halyqty áleýmettik qorǵaý mınıstrligi Sıfrlyq damý, ınovasıalar jáne aeroǵarysh ónerkásibi mınıstrligimen birlesip ázirledi",- delingen aqparatta.
Eńbek mınıstrligi ótinim berý rettiligin túsindirdi:
Egov Mobile mobıldi qosymshasyna kirý;
Basty bette "Sý tasqynynan zardap shekkender boıynsha jańa saýalnama" qyzmetin tabý;
Ashylǵan terezede zardap shekkender týraly barlyq qajetti derekter men aqparatty, sonyń ishinde banktik shotty, baılanys telefonyn, oqıǵanyń mekenjaıyn, ýaqytsha turǵyn úı men zardap shekken múliktiń bolýyn nemese bolmaýyn, keltirilgen zalaldyń sıpattamasyn kórsetý;
Barlyq derekterdi toltyrǵannan keıin saýalnamaǵa ESQ kómegimen qol qoıý qajet.
"Áleýmettik kómek" avtomatty aqparattyq júıesi arqyly ótinim oqıǵa oryn alǵan aýdany boıynsha jergilikti atqarýshy organdarǵa (budan ári – JAO) túsedi. Óńdelgen ótinimder boıynsha zardap shekken múlikke kóshpeli baǵalaý júrgiziledi jáne qajetti qoldaý kórsetiledi. Baǵalaýdy júrgizýdi baqylaý foto jáne beınetúsirilim, sondaı-aq FSM social arnaıy mobıldi qosymshasy arqyly geofıksasıalaý arqyly tirkeletin bolady" delingen Qazaqstan Respýblıkasy Eńbek jáne halyqty áleýmettik qorǵaý mınıstrligi taratqan aqparatta.
Engizilgen tetik barlyq málimetterdi sıfrlandyra otyryp, tótenshe jaǵdaılar kezinde kómek kórsetý prosesin tolyq monıtorıńileýge jáne baqylaýǵa múmkindik beredi.
"Úshinshi tulǵalardyń azamattardyń jeke derekterin alyp qoıýyn boldyrmaý úshin tek Egov Mobile resmı qosymshasyn paıdalanýdyń qajet ekenin eske salamyz.",- dep tolyqtyrdy Eńbek mınıstrligi baspasóz qyzmeti.