Bıyl jartylaı marafon jetinshi ret ótpek.
2024 jyly 21 sáýirinde Almaty jartylaı marafony ótedi, dep habarlaıdy Almaty-akshamy.kz
8 myńnan astam qatysýshy ál-Farabı dańǵylyndaǵy Tuńǵysh Prezıdent saıabaǵynan bastap Ortalyq stadıonǵa deıin júgiredi.
Onyń aıasynda zıatkerlik damýy buzylǵan sportshylar arasynda júgirý boıynsha álem chempıonaty ótedi, oǵan 8 eldiń sportshylary qatysady.
2024 jyly 4 qashyqtyq usynylady: 21,1 km (jartylaı marafon), 10 km, 10 km (skandınavıalyq júris) jáne Ekıden komandalyq estafetasy.
Jartylaı marafonǵa 18 jastan asqandar qatysa alady. Jarystyń qalǵan qashyqtyǵyna 15 jastan bastap qatysýǵa bolady.
İs-sharanyń ótkizilýine baılanysty 21 sáýirde saǵat 00:00-den 11:00-ge deıin jarys ótetin jerdegi joldar ishinara jabylady.
Joldy jabý jospary:
Sóre Tuńǵysh Prezıdent saıabaǵynda tańǵy 7:00-de bastalady. Mustafın kóshesinen Naýaı kóshesine deıingi ál-Farabı dańǵylynyń soltústik jaǵyndaǵy jol ýchaskesindegi qozǵalys 21 sáýir saǵat 00:00-den 11:00-ge deıin jabylady. Ońtústik jaǵy ashyq bolady.
Ál-Farabı dańǵylynyń soltústik jaǵymen Mustafın kóshesinen Nazarbaev dańǵylyna deıingi qozǵalys saǵat 6:45-ten 09:10-ǵa deıin jabylady. Ońtústik jaǵyndaǵy qozǵalysqa shekteý joq.
Seıfýllın dańǵylynyń ál-Farabı dańǵylynan Abaı dańǵylyna deıingi jol ýchaskesindegi qozǵalys saǵat 7:10-nan 08: 30-ǵa deıin tolyǵymen jabylady.
Abaı dańǵylynyń ońtústik jaǵymen Saıyn kóshesinen Baıtursynov kóshesine deıingi qozǵalys saǵat 8:10-nan 10:40-qa deıin jabylady. Soltústik jaǵy kólik qozǵalysyna ashyq.
Abaı dańǵylynyń ońtústik jaǵymen Seıfýllın kóshesinen Baıtursynov kóshesine deıingi qozǵalys saǵat 7:20-dan 09:00-ge deıin jabylady. Soltústik jaǵy kólik qozǵalysyna ashyq.
Saıyn kóshesiniń shyǵys jaǵymen ál-Farabı dańǵylynan Abaı dańǵylyna deıingi qozǵalys saǵat 08: 00-den 09:40-qa deıin jabylady. Batys jaǵynda kólik qozǵalysyna ruqsat.