Jolda qalǵandar shuǵyl kómek qyzmetterin shaqyrta almaıdy.
Úkimette tasjoldaǵy mobıldi baılanys máselesi kóterildi, dep habarlaıdy aqshamnews.kz
Úkimettiń búgingi otyrysynda Bektenov qala syrtyndaǵy joldarda mobıldi baılanystyń sapasyn synǵa aldy.
"Atap aıtqanda, "Qaraǵandy – Almaty" avtojolynda úsh oblystyń aýmaǵy boıynsha jalpy 500 shaqyrym ýchaskede mobıldi baılanys joq. Jol apaty kezinde zardap shekkender shuǵyl kómek qyzmetterin shaqyrta almaıdy. Osyǵan baılanysty sıfrlyq damý mınıstrligi qala syrtyndaǵy avtojoldardy mobıldi baılanyspen qamtý qarqynyn jedeldetý qajet", - dedi Bektenov.
Onyń aıtýynsha, joldarda qaýipsizdikti baqylaý úshin beınekameralar men basqa da tehnıkalyq quraldar jetispeıdi. Al keı jerlerde múldem jumys istemeıdi. Sol sebepti jol qaýipsizdigine qatysty jaǵdaı halyqtyń oryndy narazylyǵyn týdyrady. Tek bıylǵy jyldyń basynan beri halyq tarapynan jol qozǵalysyna qatysty 50 myńnan astam shaǵym kelip túsken.
"Óńir ákimdikteri eldi mekenderdegi quqyq buzýshylyqty tirkeıtin kameralar sanyn kóbeıtýi qajet. Respýblıkalyq mańyzy bar avtojoldarda aparattyq-baǵdarlamalyq keshenderdi belsendi túrde paıdalaný kerek", — dep atap kórsetti premer-mınıstr.