Grand-fınalda chempıon atanǵandar Street Workout boıynsha álem chempıonatynda Qazaqstan atynan saıysqa túse alady.
Astanadaǵy Kongres ortalyqta Tartyl Fest respýblıkalyq týrnıriniń grand-fınaly bastaldy, dep habarlaıdy Almaty-akshamy.kz
QR Prezıdenti janyndaǵy «DARA» talanttardy qoldaý qorynyń bastamasymen uıymdastyrylǵan týrnırdiń aqtyq synyna óńirlik irikteý jarystarynda úzdik nátıje kórsetken 170 sportshy qatysady. Qatysýshylardyń jasy – 14-51 jas aralyǵynda.
EXPO aýmaǵyndaǵy Kongres ortalyqta ótip jatqan grand-fınaldan «Jibek Joly» telearnasy tikeleı kórsetilim taratady.
Grand-fınaldyń jalpy júlde qory – 54 mln teńge. Óz salmaq dárejesi boıynsha 1-oryn alǵan jeńimpazdarǵa 3 mln teńge, 2-oryn alǵandarǵa 2 mln teńge, 3-oryn ıelengenderge 1 mln teńge syıaqy beriledi.
Bul grand-fınalda chempıon atanǵandar Street Workout boıynsha álem chempıonatynda Qazaqstan atynan saıysqa túse alady.