Endi Aýǵanstannyń iri qalalarynda áıelderge bala kótertpeıtin dári-dármek satýǵa bolmaıdy.
Tálipter Aýǵanstannyń iri shaharlarynda áıelderge bala kótertpeıtin dári-dármekti satýǵa tyıym saldy, dep habarlaıdy Almaty-akshamy.kz «Habar 24» telearnasyna silteme jasap.
Olardyń paıymynsha, bul – batys memleketteriniń eldegi halyq sanyn azaıtýǵa baǵyttalǵan qastandyq áreketi. Sarapshylar tıisti shekteý eldiń densaýlyq saqtaý salasyndaǵy ahýaldy odan beter ýshyqtyryp jibere me dep alańdaıdy.
Óıtkeni Aýǵanstanda 14 áıeldiń bireýi júktilik kezinde kóz jumady. 2021 jyly bılik basyna kelgen tálipter buǵan deıin qyz-kelinshekterdiń ýnıversıtette oqýyna tyıym salǵan edi. Sondaı-aq olar janynda er adam bolmasa, áıelderdiń kóshede jalǵyz júrýine de ruqsat bermeı otyr.