«Tartyl Fest» respýblıkalyq týrnıkke tartylý festıvali osyǵan deıin Qazaqstannyń 19 qalasynda ótti.
Kezek Nur-Sultan qalasyna jetti, dep habarlaıdy Almaty-akshamy.kz Elorda.info-ǵa silteme jasap.
İs-sharany QR Prezıdenti janyndaǵy «Dara» daryndylardy qoldaý qory uıymdastyryp otyr.
6 qyrkúıek kúni «EKSPO» sahnalyq alańynda ótetin festıválge qatysýǵa nıet tanytqandardy tirkeý saǵat 9.00-de bastalyp, 11.00-ge deıin jalǵasady.
Al ashylý saltanaty saǵat 14.00-de ótedi. Ázirge el boıynsha rekordty Qaraǵandy qalasynda 50 márte tartylǵan Evgenıı Namda ornatty.
Qatysýshylar jas erekshelikterine qaraı 3-ke bólinedi. Atap aıtqanda, 18 jasqa deıin (jasóspirimder), 18-den 30 jasqa deıin (jastar) jáne 30 jas pen odan úlkender (eresekter).
Júlde qory: 1-oryn – 200 myń teńge, 2-oryn – 100 myń teńge, 3-oryn – 50 myń teńge.
Grand fınaldyń júlde qory: 1-oryn – 3 mln teńge, 2-oryn – 2 mln teńge, 3-oryn – 1 mln teńge.