Prezıdent Joldaýyna ún qosý.
QR Prezıdenti Qasym-Jomart Toqaevtyń Qazaqstan halqyna joldaǵan kezekti Joldaýyna halyq ún qosyp, qoldaý bildirip jatyr, dep habarlaıdy Almaty-akshamy.kz.
QazUAZÝ mal sharýashylyǵy halyqaralyq zertteý ortalyǵynyń dırektory Ábdirahman Ombaev Joldaýda aıtylǵan azyq-túlik qaýipsizdigi máselesine toqtaldy.
«Azyq qaýipsizdigi týraly Prezıdent asa úlken deńgeıde aıtty. Azyq qaýipsizdigi shyn máninde álemdik deńgeıdegi másele. Bul - Qazaqstanǵa da tán másele. Ekinshi úlken másele - et-sút máselesi. Bul da azyq-túliktiń eń qajet túrleri bolyp esepteledi. Osy másele meni kóp oılandyrady. Óıtkeni qazir bizdiń qolymyzda bar malmen et jóninen ózimizdi 100 paıyz qamtamasyz ete alamyz. Sútke kelsek, 70-80% qamtamasyz ete alamyz. Osy máselege bizdiń ózimizdiń ǵalymdarymyzdyń zertteýlerin baǵyttaýymyz kerek. Ata kásibimiz - qazaqtyń tórt-túlik malyn ósirý jolyn ary qaraı jalǵastyryp, osy baǵytta eńbek etýimiz kerek. Sondyqtan da men Prezıdenttiń joldaýyn qoldaımyn. Qazaqstannyń órkendeýine kóp múmkindik jasalady dep oılaımyn», - dedi QazUAZÝ mal sharýashylyǵy halyqaralyq zertteý ortalyǵynyń dırektory Ábdirahman Ombaev.