Jasandy ónimder "Kit Kat" jáne "Nesquik" sıaqty tanymal brendtermen tańbalanǵan.
Shymkentte tanymal brendtiń atyn jamylǵan qoldan jasalǵan táttiler tárkilendi, dep habarlaıdy Almaty-akshamy.kz OTYRAR-ǵa silteme jasap.
Jalǵan ónim Shymkentte "B" JSHS kompanıasy arqyly kóterme satý arqyly taratylypty. "Nestle S. A." kompanıasynyń ótinishimen tekserý júrgizilgen.
"Qazirgi ýaqytta is materıaldary Shymkent qalasy ádilet departamentiniń óndirisinde jáne taýar belgisin zańsyz paıdalanǵany úshin jaýapty adamdy jazaǵa tartý týraly sheshim qabyldanyp jatyr", - delingen Ádilet mınıstrliginiń resmı habarlamasynda.
Quqyq ıesine keltirilgen zalaldyń somasyna baılanysty tekserý materıaldary sotqa tapsyrylady nemese kináli adamdy qylmystyq jaýapkershilikke tartý úshin ekonomıkalyq tergeý qyzmetine beriledi.