Stıpendıa tarıh ǵylymdarynyń kandıdaty Álimǵazy Dáýlethan atynda.
QR Jazýshylar Odaǵynyń múshesi, tarıh ǵylymdarynyń kandıdaty Álimǵazy Dáýlethan 80-ge toldy. Osyǵan oraı, 15 qyrkúıek kúni Sh.Sh. Ýálıhanov atyndaǵy Tarıh jáne etnologıa ınstıtýtynda “EJELGİ JÁNE ORTAǴASYRLARDAǴY QAZAQSTANNYŃ JAŃA TARIHI MÁSELELERİ” atty halyqaralyq ǵylymı-praktıkalyq konferensıa ótti, dep habarlaıdy Almaty-akshamy.kz.
Halyqaralyq ǵylymı-praktıkalyq konferensıaǵa 50-den astam adam qatysty. Olardyń qatarynda, mereıtoı ıesiniń etjaqyn týystary jáne Qazaqstannyń belgili ǵalymdary, akademıkter, ǵylym doktorlary men aqyn, jazýshylar sondaı-aq, Qazaqstan Respýblıkasynyń jetekshi joǵary oqý oryndarynyń profesorlary kelip qatysty.
Álimǵazy Dáýlethanuly 1943 jyldyń 15 qyrkúıeginde QHR SHUAR-nyń İle Qazaq avtonom oblysyna qarasty Kúnes aýdanynyń Túrgen aýylynda muǵalim otbasynda dúnıege keldi.
Konferensıa moderator tizginin M.O. Áýezov atyndaǵy Ádebıet jáne óner ınstıtýtynyń dırektory, QR UǴA-nyń korespondent-múshesi, fılol.ǵ.d., profesor Matyjanov Kenjehan Slámjanuly jáne Sh.Sh. Ýálıhanov atyndaǵy Tarıh jáne etnologıa ınstıtýtynyń jetekshi ǵylymı qyzmetkeri, aǵa sarapshy, t.ǵ.k., Shashaev Áýezhan Qadyrjanuly júrgizdi.
Halyqaralyq ǵylymı-praktıkalyq konferensıada quttyqtaý sózimen birge, jazýshy, kınodramatýrg, Túrki dúnıesi ádebı syılyǵynyń laýreaty, T. Júrgenov atyndaǵy Óner akademıasynyń profesory Qazaqstannyń eńbek sińirgen qaıratkeri Smaǵul Abatuly Elýbaı, ál-Farabı atyndaǵy Qazaq ulttyq ýnıversıtetiniń profesory m.a., fılol. ǵ.d., Jubaı Orynaı, Qazaq qyzdar pedagogıkalyq ýnıversıtetiniń profesory, fılol. ǵ.d., Zaıkenova Rýda Zaıkenqyzy, ál-Farabı atyndaǵy Qazaq ulttyq ýnıversıteti Qazaqstan tarıhy kafedrasynyń meńgerýshisi, t.ǵ.d., profesor, QR UǴA-nyń akademıgi Káribaev Bereket Baqytjanuly, Ál-Farabı atyndaǵy Qazaq ulttyq ýnıversıteti janyndaǵy Qazirgi zamanǵy Qytaıdy zertteý ortalyǵynyń dırektory, t.ǵ.d., profesor Nábıjan Muqamethanuly, jazýshy-pýblısıst, Qazaqstan Pedagogıkalyq ǵylym akademıasynyń akademıgi, profesor Toqashbaev Marat Báıdildauly qatarly tarıhshylar men belgili ǵalymdar baıandamalaryn jasady. Baıandama kezinde táýelsiz Qazaqstandaǵy tarıh ǵylymynyń dóp kelgen ózekti máseleleri men túıitkildi problemalary keńinen talqylandy jáne ǵylymı-praktıkalyq konferensıanyń qorytyndysy negizinde ortaq qarar qabyldandy.
Sondaı-aı, konferensıa kezinde «Shyǵys Túrkistandaǵy dúrbeleńmen ótken qyryq jyl (1912-1952)» atty zertteý monografıasy, «Ulylardyń ulaǵaty» atty avtordyń shyǵarmashylyq eńbegi jáne «Shyǵystyń sónbes juldyzy – Dýbek Shalǵynbaev» atty qoljazba muraǵattyq zertteý eńbegi men ǵylymı-praktıkalyq konferensıa jınaǵynyń tusaýkeseri ótti. Sonymen birge jas zertteýshi, tarıhshy ǵalymdarǵa arnalǵan Álimǵazy Dáýlethanuly atyndaǵy stıpenıa taǵaıyndaldy.