1991 jyldan beri respýblıkaǵa 1 mıllıon 110,1 myń etnıkalyq qazaq oraldy.
1 naýryzdaǵy jaǵdaı boıynsha, 3 134 etnıkalyq qazaq qandas mártebesin aldy, dep habarlaıdy Almaty-akshamy.kz.
Jyl basynan Qazaqstanǵa kelgen qandastardyń jartysy (50,0%) Ózbekstannan, 16,3% – Qytaıdan, 15,9% – Reseıden, 8,4% – Túrikmenstannan, 4,5% – Mońǵolıadan jáne 4,9% basqa elderden.
Kelgen etnıkalyq qazaqtar negizinen Almaty (27%), Mańǵystaý (16,6%), Túrkistan (7,1%) jáne Jambyl (3,6%) oblystaryna, sondaı-aq Astana (10,5%), Almaty (7,6%) jáne Shymkent (6,5%) qalalaryna qonystandy.
Osy jyldyń 1 aqpandaǵy jaǵdaı boıynsha, eńbekke qabiletti jastaǵy etnıkalyq qonys aýdarýshylar sany 69,1%-dy, eńbekke qabiletti jastan kishi 22,7%-dy jáne zeınetkerler 8,2%-dy qurady.
Eńbekke qabiletti jastaǵy kandıdattardyń ishinen bilim deńeıi boıynsha 20,1% joǵary bilimdi, 40,9% orta kásibı bilimdi, 35,2% jalpy orta bilimdi jáne 3,8% bilimi joq.