Pragada qymbatshylyqtan sharshaǵan halyq narazylyqqa shyqty. Olardyń basty talaby – el Úkimetiniń otstavkasy.
Praga ortalyǵynda myńdaǵan adam narazylyq aksıasyna shyǵyp, el Úkimetiniń otstavkasyn talap etti, dep habarlaıdy Almaty-akshamy.kz Azattyq Ruhy-na silteme jasap.
Euronews agenttiginiń jazýynsha, «Chehıa kedeılikke qarsy» atty uranmen ótken narazylyq aksıasyna kelgender el Úkimetiniń otstavkasyn talap etken. Sondaı-aq, aksıa kezinde Chehıa Ýkraınaǵa kómekti toqtatyp, óz halqynyń jaǵdaıyna nazar bólsin degen talap aıtyldy. Aıta keteıik, sharany jańa, parlamenttik emes PRO partıasy uıymdastarǵan.
«Ýkraınany qoldaý úshin el búdjetinen qansha qarajat bólindi? Reseı men Ýkraına arasyndaǵy soǵysta bizdiń Úkimet beıbit kelisimge qol jetkizýge talpynýdyń ornyna otqa maı quıyp otyr», - deıdi sharany uıymdastyrýshylardyń biri Irjı Gans.
Al, Chehıadaǵy ınflásıa deńgeıi qazir rekordtyq kórsetkishke jetken. Ýkraınadaǵy soǵysqa baılanysty energıa tasymaldaý quraldarynyń qyzmet aqysy ósken soń, elde jappaı qymbatshylyq bastalǵan. Chehıa bıligi bolsa, Kıevke qarý-jaraq jiberip, jarty mıllıonǵa jýyq bosqyndy qabyldap alǵan.