Jastarmen tárbıe jumystaryn jandandyrýymyz kerek
Bizdiń Qazaqstanymyzda bolǵan jantúrshigerlik jaǵdaı elimizdiń árbir azamatynyń janyna batyp, qabyrǵamyzdy qaıystyryp jatyr. Bolǵan oqıǵalar bizge ashshy sabaq boldy. Iá, shyndyǵynda biz «Demokratıa-demokratıa» dep urandatqan jalǵan patrıottarǵa, arandatýshylarǵa senip qaldyq. Beıqamdyǵymyzdyń kesirinen elimizge sodyrlar kelip, oıran-topanymyzdy shyǵardy. Qanshama jastarymyz mert boldy. Meniń bolǵan jaǵdaıǵa janym aýyryp, júregim syzdaıdy. Balasynan aıyrylyp otyrǵan ata-analarǵa, jarynan, ákesinen aıyrylǵan aǵaıynǵa qatty qınalyp, kóńil aıtamyn. Elimiz úshin, elimizdiń tynyshtyǵy úshin janyn qurban etken erlerimizdiń jandary jánnátta bolsyn!
Bizder, ardagerler, keńes zamany kezinen ártúrli qıyndyqtardy basymyzdan ótkerdik. Biraq mundaı bassyzdyqqa halqymyz eshqashan barmaǵan edi ǵoı.
Elimizde oryn alǵan jaǵdaılar ál-Farabı babamyzdyń «Tárbıesiz berilgen bilim - adamzattyń qas jaýy» degen támsiliniń astaryn uǵyndyrǵandaı. Osy oraıda ardagerlerge aıtarym, jastardyń boıyndaǵy patrıottyq sezimdi oıatý úshin qıyndyqty shydamdylyqpen, sabyrlyqpen jeńý úshin olarmen tárbıe jumysyn jandandyrý kerek ekenin basa aıtqym keledi.
Dál qazir bizge, qazaq halqyna, tórtke bólinip, beske jarylmaı, birigetin ýaqyt keldi. Prezıdentimiz Qasym-Jomart Kemelulynyń Úndeýindegi ár sózin, sheshimderin qoldaı otyryp, biz de óz tarapymyzdan kómegimizdi aıamaıyq! Elimizdiń kórkeıýine sáttilik tileımiz!