Kelesi aptadan bastap mektepterdiń bári dástúrli rejımde jumys isteıdi. Bul týraly QR Premer-Mınıstriniń orynbasary Eraly Toǵjanov Úkimettiń keńeıtilgen otyrysynda málim etti, dep habarlaıdy Almaty-akshamy.kz QazAqparatqa silteme jasap.
«Ózińizge belgili, "omıkronǵa" baılanysty epıdemıologıalyq ahýal kúrt nasharlaǵan bolatyn. Qazir jaǵdaı baqylaýda dep aıtsam, artyq emes. Táýligine 16 myńnan 2000-ǵa deıin azaıyp otyr. Sondyqtan munyń bári jalpy jaǵdaıdyń durystalyp kele jatqanynyń naqty kórinisi dep aıtýǵa bolady», - degen vıse-premer bızneske jaǵdaı jasaý úshin shekteýler tártibi ózgertilip jatqanyn eske saldy.
«Osyǵan baılanysty 24 qańtarda ózińiz bergen bızneske jaǵdaı jasaý týraly tapsyrmańyzǵa baılanysty olarǵa jol ashý úshin negizgi karantın sharalary alynyp tastaldy. Sonymen qatar keshe ǵana qazaqstandyq jáne sheteldik azamattardyń elge kelýine baılanysty naqty sharalar qabyldanyp, barynsha jeńildikter jasalyp jatyr. Kelesi dúısenbi, 14 aqpannan bastap barlyq mektepterde oqýdy oflaın rejımge aýystyrýdy josparlap otyrmyz», -dedi Eraly Toǵjanov.