Tarazda túzeý mekemesine marıhýana kirgizbek bolǵan azamat quryqtaldy, dep habarlaıdy almaty-akshamy.kz Polisia.kz silteme jasap.
Tarazda túzeý mekemesiniń qyzmetkerleri tanysyna tyıym salynǵan zatty kirgizbek bolǵan azamatty ustady. Anyqtalǵandaı, 1979 jyly týǵan T. Rysqulov aýdanynyń turǵyny sálem-saýqat arqyly 170 tal temekige jasyrylǵan jasyl tústi, ózindik ıisi bar ósimdik tektes untaqty óziniń tanysyna bermek bolǵan.
Bul sátti óńirlik QAJ departamentine baǵynysty JD-158/2 mekemesi jedel bóliminiń qyzmetkerleri qalt jibergen joq. Azamattyń aıtýynsha, ol bul zatty mekemede jazasyn ótep jatqan 1977 jylǵy kórshisine aldyn ala kelisýi boıynsha alyp kelgen. İzdeý barysynda erekshe ıisi bar tunyq jasyl tústi ósimdik tárizdi zat tárkilendi.
Atalǵan derek boıynsha jedel tergeý toby jáne Taraz qalalyq Polısıa basqarmasy esirtki qylmysyna qarsy is-qımyl bóliminiń qyzmetkerleri shaqyrtylyp, sot-hımıalyq saraptama taǵaıyndaldy. Nátıjesinde anyqtalǵan zattyń keptirilgen marıhýana ósimdigi ekeni anyqtaldy. Sondaı-aq, ustalǵan azamattyń Qulan aýylyndaǵy úıin tintý barysynda osyndaı esirtki zatynyń taǵy bir bóligi tabyldy.