Tarazdyq polıseıler qala turǵynynan 45 kelideı esirtki tárkiledi
“Qarasora-2021” respýblıkalyq jedel aldyn alý is-sharasyn ótkizý barysynda Jambyl oblysynyń polısıa departamenti esirtki qylmysyna qarsy is-qımyl basqarmasynyń qyzmetkerleri Shý-Merki avtojolynan 4 shaqyrym jerde ornalasqan “Sarǵaý” qumǵa jaqyn mańdaǵy aımaqta esirtki zattaryn daıyndaý kezinde Taraz qalasynyń 41 jastaǵy turǵynyn ustady, dep habarlaıdy almaty-akshamy.kz
Jaqyn mańdaǵy aýmaqty tekserý barysynda jalpy salmaǵy 44 keli 320 gram “keptirilgen marıhýana” esirtki zaty bar tórt qap tabylyp, tárkilendi. Ustalǵan azamat kinásin moıyndap, Shý qalasynyń ýaqytsha ustaý ızolátoryna qamaqqa alyndy.
– Atalǵan derekke qatysty QR QK 297-baby 3-bóligi (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý) boıynsha sotqa deıingi tergeý amaldary bastaldy. Atalǵan qylmysty jasaǵany úshin múlki tárkilenip, on jyldan on bes jylǵa deıingi merzimge bas bostandyǵynan aıyrý túrindegi jaza kózdelgen, – dedi oblystyq polısıa departamenti esirtki qylmysyna qarsy is-qımyl basqarmasynyń bastyǵy Asqar Jumabekov.