Úkimet basshysy Asqar Mamın monıtorıńtik toptardyń jumysyn jandandyryp, memlekettik shekaradaǵy epıdemıologıalyq baqylaýdy kúsheıtýdi tapsyrdy, dep habarlady almaty-akshamy.kz
Degenmen, kórshi elderde jaǵdaıdyń qıyndaǵanyn alǵa tartty.
Sondyqtan óńirlerdiń, ásirese, shekaralas óńirlerdiń ákimderi sanıtarlyq-epıdemıologıalyq normalardyń qatań saqtalýyn qamtamasyz etilsin. Naýqastaný deńgeıine naqty monıtorıń júrgizý jáne jedel sharalar qabyldap otyrý qajet. Monıtorıńtik toptardyń jumysyn jandandyrý kerek. Densaýlyq saqtaý mınıstrligi memlekettik shekarada epıdemıologıalyq baqylaýdy kúsheıtsin, - dedi Asqar Mamın.
Sondaı-aq Premer-Mınıstr vaksınalaý deńgeıine de toqtaldy.
- Qazirgi kezde barlyǵy 8,2 mıllıonnan asa adam birinshi komponentti, 7,4 mıllıonǵa jýyq adam ekinshi komponentti aldy. Vaksına egý qarqyny tómendep otyr, ony ulǵaıtý qajet, ásirese, qalyp kele jatqan óńirlerge qatysty. Mańǵystaý, Batys Qazaqstan, Qostanaı, Aqmola oblystary men Nur-Sultan qalasynyń ákimderi vaksınalaý máselesin jeke baqylaýǵa alsyn jáne onyń qajetti deńgeıin qamtamasyz etsin, - dedi Premer-Mınıstr.
Sonymen qatar Densaýlyq saqtaý, Aqparat mınıstrlikterin halyq arasynda vaksınalaý men revaksınasıalaýdyń mańyzdylyǵy týraly, sonymen birge densaýlyqty saqtaýdyń jalǵyz joly - koronavırýsqa qarsy ekpeni alý ekenin túsindirý boıynsha jumysty jalǵastyrý kerek dep otyr.