Byltyr osy áskerı bólimge dańqty qolbasshynyń esimi berilgen.
«Ońtústik» óńirlik qolbasshylyǵynyń mehanıkalandyrylǵan quramasynda Keńes Odaǵynyń Batyry Baýyrjan Momyshulyna eskertkish ashyldy, dep habarlaıdy Almaty-akshamy.kz QR Qorǵanys mınıstrliginiń baspasóz qyzmetine silteme jasap.
Saltanatty rásimge Qorǵanys mınıstri, general-leıtenant Rýslan Jaqsylyqov, Jambyl oblysynyń ákimi Berdibek Saparbaev qatysty.
«Baýyrjan Momyshuly - sanaly ǵumyryn Otan qorǵaýǵa arnaǵan óz eliniń naǵyz patrıoty. Ol - ustanymyna adal, óz isiniń sheberi bolǵan kisi. Aty ańyzǵa aınalǵan uly tulǵanyń adamgershilik qasıetteri jáne eńbekteri týraly kóp aıtýǵa bolady. Jas urpaq Momyshulynyń erlik jolyn máńgi esinde saqtap, onyń ónegeli ómirine qarap boı túzeri anyq», – dedi Qorǵanys mınıstri.
Eskertkishtiń ashylý saltanatynan keıin Qorǵanys mınıstri men oblys ákimi áskerı bólimniń murajaıymen tanysty. General-leıtenant Rýslan Jaqsylyqov Qurmetti qonaqtar kitabyna qoltańba qaldyryp, brıgadanyń jeke quramyna aty ańyzǵa aınalǵan qolbasshynyń esimin laıyqty alyp júrýine tilek bildirdi.
Mınıstr qoltańbalar kitabyna: "...Onyń murasy ár áskerı qyzmetshiniń ústelinde jatýy tıis", – dep jazdy.
2021 jyly atalǵan áskerı bólimge dańqty qolbasshy Baýyrjan Momyshulynyń esimi berilgen bolatyn.