Alash Media Group holdıńiniń basshysy Batyr Qazybaev 53 jasynda dúnıeden ozdy, dep habarlaıdy Almaty-akshamy.kz.
Qaraly habardy marqumnyń ózi negizin qalaǵan Tengrinews.kz portaly jarıalady.
Batyr Qazybaev belgili qazaqstandyq jýrnalıs, jazýshy Kákimjan Qazybaevtyń balasy, ol kóp jyldar boıy oblystyq jáne respýblıkalyq gazetterdiń redaksıasynda basshylyq laýazymdarda qyzmet atqardy, Qazaqstan Kompartıasy OK hatshysy bolǵan. Batyr Qazybaev ákesiniń jolyn qýyp, jýrnalısıkadaǵy mansabyn tańdady, tabysty medıamenedjer boldy.
Batyr Qazybaev sońǵy 10 jyldan astam ýaqyt boıynda quramyna Tengrinews.kz, Vesti.kz, Massaget.kz aqparattyq portaldary, Juldyz FM, Retro FM Kazahstan radıostansalary, STV, "Jetinshi arna" telearnalary, keıinnen saıt retinde qalǵan "Alash aınasy" respýblıkalyq gazeti kiretin medıaholdıngti basqaryp keldi.
«Almaty aqshamy» gazeti men Almaty-akshamy.kz saıtynyń redaksıasy marqumnyń otbasy men týystaryna qaıǵylaryna ortaqtasyp kóńil aıtady.