Hırýrg alǵash ret Qazaqstan Respýblıkasynda 21 operasıa túrin engizdi.
Tanymal balalar hırýrgi, medısına ǵylymdarynyń doktory, Eýropa Ǵylym akademıasynyń akademıgi Ahparov Nurlan Nurkenuly ómirden ozdy, dep habarlaıdy Almaty-akshamy.kz Pedıatrıa jáne balalar hırýrgıasynyń ǵylymı ortalyǵy taratqan aqparatqa silteme jasap.
Ahparov Nurlan Nurkınuly 40 jyldan astam medısına salasynda eńbek etti. 28 jyldan astam ýaqyt Pedıatrıa jáne balalar hırýrgıasy ǵylymı ortalyǵynda jumys istegen. Osy jyldar ishinde ol 10 000-nan astam operasıa jasady, kóptegen balalarǵa ekinshi ómir syılady.
Ahparov Nurlan alǵash ret Qazaqstan Respýblıkasynda 21 operasıa túrin engizdi.
Nurlan Nurkınulynyń 300-ge jýyq ǵylymı eńbekteri bar. Maqalalary halyqaralyq resenzıalanǵan jýrnaldarda jarıalanǵan. Úsh monografıanyń avtory.
Onyń jetekshiligimen bir doktorlyq jáne eki kandıdattyq dısertasıa qorǵaldy. Ol túrli ǵylymı forýmdarǵa qatysty (Reseı, Germanıa, Túrkıa, AQSH, Italıa, Fransıa).
2007 jyldan bastap AQSH-taǵy Cincinnati Children’s Hospital Medical ortalyǵynyń qurmetti profesory, 2007 jyly Eýropalyq jaratylystaný ǵylymdary akademıasynyń múshesi boldy.
2016 jyly ǵylymǵa qosqan úlesi úshin Robert Koh medalimen, 2017 jyly Aleksandr III ordenimen marapattaldy.