Bıylǵy bes aıda qazaqstandyqtar arasynda sándi bolǵan top-7 esim.
Ulttyq statısıka búrosynyń málimeti boıynsha, 2022 jyly tanymal bolǵan Medına men Álıhan esimderi 2023 jylǵy reıtıńte áli de kósh basynda, dep habarlaıdy Almaty-akshamy.kz.
Bıyl Álıhan degen esim 1420 ulǵa qoıylǵan. Ekinshi orynda Ramazan esimi. Ramazan dep 2023 jyly 1354 balaǵa azan shaqyrylyp, osy at berilgen. Álbette, ata-analardyń bul nyspyny tańdaýyna mumylmandardyń qasıetti aıy sebep bolǵan. Úshinshi orynǵa Omar esimi turaqtady. Osy esimmen 1240 bala dúnıege kelgen. Aısultan esimi tórtinshi orynda. Uldarǵa bul esim 1209 ret berildi. Besinshi oryndy Ámir esimi alady. Bul atpen uldar 1023 ret atalǵan. Altynshyda Aldıar-olardyń 1001-i dúnıege keldi. Al 935 sábıdiń týý týraly kýáligine Muhammed dep jazylyp, kóshbasshy jetilikti japty. Jalpy esimder tizimine Alınur, Alı, Hamza, Arsen, Omar, Nurıslam, Erasyl, Islam jáne Mýslım de kirdi.
Al qyzdarǵa Medına, Aısha, Aılın, Asylym, Safıa degen esimder jıi qoıylǵan. Bıyl 2961 qyzǵa Medına esimi berildi. Aısha esimi bar 3152 qyzǵa jáne Aılın esimi bar 1927 qyzǵa qoıylǵan. Asylym esimin 1838 qyzdyń ata-anasy tańdaǵan. Raıanalardyń sany - 1661. Sofıalar - 1449. Tomırıster bolsa, kóshbasshy jetilikti tuıyqtaıdy, 1447 qazaqstandyq óz qyzdarynyń osy esimmen ataǵan. Sondaı-aq, áıel esimderi arasynda Asylym, Aızere, Márıam, Aıala, Aıym, Aıarý, Amına, Adına tanymal boldy.