Bul kórsetkish boıynsha ol álemde ekinshi orynda tur.
Jyldyń aıaǵyna deıin joǵary tehnologıalyq kompanıalardyń sany 80 myńnan asady. Bul 5G tehnologıasyn keńinen endirýdiń arqasynda múmkin boldy, dep habarlaıdy Almaty-akshamy.kz.
Jańashyldyq ınternettiń túrli salada damýyna ekpin berdi. Ásirese «turmystyq zattar» ınterneti qurylǵylar arasynda ózara málimet almasýǵa jol ashty. 5G júıesin paıdalanýshylardyń 60 prosentinen astamy Qytaıda turady, dep jazdy 24.kz Olardyń sany 600 mıllıonǵa jetedi. Elde uıaly baılanystyń besinshi býynynyń 2 mıllıon 700 myńnan asa stansıasy salynǵan. Jyldyń aıaǵyna deıin taǵy da alty júz myńyn ornatý josparda bar.
- 3G tehnologıasy bizge Apple ákelse, 4G-dyń arqasynda taksı shaqyrý men úıge taǵam men ózge taýardy jetkizý qyzmetterin qoldana bastadyq. Al 5G – alyp kásiporyndarmen baılanys ornatty. Baılanystyń besinshi býynyn túrli maqsatta paıdalanýǵa bolady. Mańyzdylardyń biri - turmystyq zattar ınterneti. Bul ónerkásip pen zattar ınternetiniń úılesip, búkil salany sıfrlandyrýǵa zor múmkindik berdi. Sondyqtan 5G turmysymyzǵa, óndiriske, memleket damýynyń barlyq salalaryna oń áser etti. Kompanıalar óz óndirisine sıfrlyq tehnologıalardy qarqyndy endirip jatyr. Bul óniminiń ózindik qunyn tómendetýge kómektesedi, deıdi ǵylym men tehnologıalar salasynda qyzmet kórsetetin kompanıa ókili Szı Penfeı.
- Sıfrlyq óndiris zaýyttarǵa ónimidiligin arttyrýǵa, adam eńbeginen shyǵynyn azaıtýǵa jáne sapasyn arttyýǵa kómektesedi. Iaǵnı búkil kásiporynnyń tıimdiligi artady. Mysalǵa osy zaýyttyń ónimdiligi 128 prosentke ósti. Oǵan qosa aýanyń lastanýyn azaıtty. Ótken jyly Qytaıda sıfrlyq ekonomıkanyń úlesi 40 prosentten asqan bolatyn. El bıligi 2019 jyly 5G tehnologıasyn qoldanýdy qoldaǵan. Qazir baılanystyń osy túri salanyń 67 prosentinde bar. Endi shaǵyn men orta bıznesti jańashyldyqqa tartý kózdelip otyr, dep óz pikirin bildirdi aqyldy tehnologıalar óndirisi salasyndaǵy kompanıa ókili Sın Shaohýa.