Bul UBT shekti bal jınaı almaǵan talapkerlerdiń oqý ornyna aqyly negizde túsýge múmkindik berý úshin ótkiziledi.
QR Ǵylym jáne joǵary bilim mınıstrliginiń málimdeýinshe, tamyz aıynda ótetin Ulttyq birińǵaı testileý bastaldy, dep habarlaıdy Almaty-akshamy.kz
Vedomstvonyń aqparatyna sáıkes, oǵan qatysýǵa 20 myńnan astam ótinish qabyldandy.
Tirkeý jumystary Ǵylym jáne joǵary bilim mınıstrligine qarasty Ulttyq testileý ortalyǵynyń app.testcenter.kz saıtynda 25-30 shilde aralyǵynda júrgizildi.
Tamyzdaǵy UBT shekti bal jınaı almaǵan talapkerlerdiń testileýden qaıta ótip, joǵary oqý ornyna aqyly negizde túsýge múmkindik berý úshin ótkiziledi.
Esterińizge sala ketsek, osy UBT-ǵa bıylǵy jáne ótken jyldardyń mektep túlekteri, kolej túlekteri men sheteldik mektepterde bilim alǵandar qatysa alady. Negizgi UBT sekildi tamyzdaǵy testileý elektrondy formatta 10-13 tamyz aralyǵynda ótedi. Tirkelý kezinde testileýge qatysýshylar emtıhan ótkiziletin oryndy, kúndi jáne ýaqytty ózderi tańdady.
«Shekti bal jınaı almaǵan talapkerlerdiń aqyly bólimge túsý múmkindigi bolýy úshin tamyz aıynda qaıta testileýden ótýge jaǵdaı jasadyq. Oqýǵa túsý úshin shektik bal jáne ár pánnen keminde 5 bal jınaý qajet. Negizgi UBT-ǵa qatysqan talapkerler beıindik pánder kombınasıasyn tamyz testileýinde ózgertip, testileýge qatysa alatyndyǵyn aıta ketken jón», – dedi Ulttyq testileý ortalyǵynyń dırektory Rýslan Emelbaev.
Sonymen qatar joǵary oqý ornyna aqyly negizde óz mamandyǵy boıynsha oqýdy jalǵastyrýdy josparlap otyrǵan kolej túlekteri oqýǵa áńgimelesý qorytyndysy boıynsha qabyldanady.