Fransıa Prezıdenti Emmanýel Makronnyń qazaq tazylarymen túsken beınerolıgi áleýmettik jelilerde keń taraldy, dep habarlaıdy aqshamnews.kz
Bul beınerolıkte Makron qazaqy tazy kúshikterimen jyly júzben áńgimelesip, olardy erkeletip otyrǵany kórinedi. Buǵan deıin, Qazaqstan Prezıdenti Qasym-Jomart Toqaev Fransıa basshysyna qazaqtyń dástúrli ańshylyq ıtteriniń biregeı tuqymy sanalatyn eki tazy kúshigin syıǵa tartqan bolatyn.
Tazylarǵa Júl jáne Janna degen jarasymdy fransýzdyq esimder berildi. Bul tańdaýdaǵy sımvolızm de erekshe: fransýz jazýshysy Júl Vern men tarıhı tulǵa Janna d’Arktyń qurmetine qoıylǵandaı. Osylaısha, tazy kúshikteri eki el arasyndaǵy dostyqtyń belgisine aınaldy. Makronnyń ózi de bul syılyqqa rızashylyq bildirip, qazaq halqynyń ulttyq qundylyqtaryn qadirleıtinin atap ótken edi.
Sizderdi Janna jáne Júlmen tanystyramyn – bir jyl buryn Qazaqstanǵa memlekettik saparym barysynda Prezıdent Toqaev syılaǵan eki tazy. Nemomen birge tamasha úshtik!, dep jazdy Emmanýel Makron óziniń Instagram paraqshasynda.
Tazylar – Qazaqstannyń mádenı murasy men ańshylyq dástúriniń ajyramas bóligi bolyp tabylady. Ejelden beri qazaqtar bul ıtterdi adaldyǵy men ańshylyq sheberligi úshin joǵary baǵalaǵan. Tazylardyń Fransıa Prezıdentiniń úıinde jańa ortaǵa úırenip, shynaıy dostyqtyń sımvolyna aınalǵany Qazaqstan men Fransıa arasyndaǵy baılanystardyń mádenı kópiri bolyp tur.