Dáriger qart adamdar úshin zıandy ádetterdi atady
Amerıkalyq dáriger-dıetolog Kortnı Dandjelo egde jastaǵy adamdardyń tamaq tutynýda jiberetin zıandy ádetterin atap berdi. Mundaı ádetter jastar úshin de zıandy, jastary ulǵaıǵan saıyn densaýlyqqa keri áserin tıgizedi, dep habarlaıdy Almaty-akshamy.kz REN-tv-ǵa silteme jasap.
Birinshi jaman ádet – adam sýdy az tutynýy. Jas ulǵaıa kele, adamdar shóldeý sezimin sezbeıdi, sol sebepti jasy 60-tan asqan jandarǵa ishken sýdyń mólsherin baqylaý qajet. Ekinshisi – tamaqtaǵy aqýyzdyń jetispeýshiligi.
«60 jastan asqan adamdarda bulshyq et massasyn joǵaltý qaýpi basym, eger sizder tutynatyn taǵamda aqýyz mólsheri jetkiliksiz bolsa, bul proses jyldamdaýy múmkin», - dep keltirdi Eat This, Not That portaly.
Keshki asty ýaqytynan keshiktirip ishý de aǵza úshin zıan, tipti ol paıdaly taǵam bolsa da, túnde tamaqty kóp jemegen abzal. Uıyqtar aldynda jegen tamaq dıabettiń damý qaýpin jáne metabolızmdi buzylystar qaýpin arttyrady.
Tórtinshi zıandy ádet – jasunyqtardyń jetispeýshiligi. Ol asqazan-ishek traktiniń jumysyn qalypqa keltiredi, mıkroflorany saqtap, ımýnıtetti nyǵaıtady. Bul jetispeýshiliktiń ornyn toltyrý úshin suly jarmasyn, jıdekter, alma jáne burshaq jeý kerek.