Dúnıejúzilik densaýlyq saqtaý uıymynyń Reseıdegi ókili Melıta Výınovıchtiń paıymynsha, Reseıde indet qaıta órshýi múmkin.
Jaǵdaıdyń birshama turaqtalǵanyna qaramastan, toqmeıilsýge bolmaıdy, dep habarlaıdy Almaty-akshamy.kz 24.kz-ke silteme jasap.
Aıta keteıik, Reseı álemde "omıkronnyń" taralýyna baılanysty birqatar eldermen baılanysty shektep, áýejaılarda baqylaýdy kúsheıtken.
Al AQSH-tyń Nú-Iork shtatynda indet qaıta órship, koronavırýsty juqtyrǵandar artty. Sońǵy málimetke qaraǵanda, bir kúnde aımaqta 23 myńnan asa adam vırýs juqtyrǵan.
Bılik aldaǵy ýaqytta bul kórsetkish budan da úshyǵýy múmkin dep otyr.
Vırýsty juqtyrǵandar qatarynyń artýyna baılanysty Nú-Iork qalasyndaǵy PTR-test tapsyratyn ortalyqtardyń aldynda uzyn-sonar kezek paıda bolǵan. Degenmen bılik vaksınalaýdy kúsheıtý arqyly indettiń taralýyn toqtatýǵa qol jetkizýge bolady deıdi.
«Koronavırýstyń "omıkron" túrine baılanysty aldaǵy birneshe aptada jaǵdaı ýshyǵýy múmkin. Shtamm juqpaly bolǵanymen, oǵan shaldyqqandardyń aýrýy jeńil ótip jatqany kóńilge medeý. Biraq biz onyń tez taralatynyn umytpaýymyz kerek. Sondyqtan bul dertpen kúreste jyldam qımyldap, vaksınalaýdy kúsheıtý mańyzdy», - dedi Nú-Iork qalasynyń meri Bıll De Blazıo.