«Talıbannyń» joǵarǵy basshysynyń nusqaýyn buzǵandar sharıǵat zańdary boıynsha sottalady
Aýǵanstan aýmaǵyndaǵy esirtki óndiretin barlyq kásiporyndardyń jumysyna tosqaýyl qoıyldy. Erejeni buzǵandar sharıǵat zańdary aıasynda jaýapqa tartylady, dep habarlaıdy Almaty-akshamy.kz QazAqparatqa silteme jasap.
TASS agenttiginiń málimetinshe, Aýǵanstanda bılikke kelgen «Talıban» uıymy (Qazaqstanda tyıym salynǵan – red.) eldiń barlyq aýmaǵynda kóknár ósirýge tyıym saldy. Mundaı ókimdi qozǵalystyń joǵarǵy jetekshisi Haıbatýlla Ahýndzada shyǵardy.
Tálipter kóshbasshysynyń buıryǵynda budan bylaı barlyq aýǵandyqqa kóknár ósirýge qatań tyıym salynǵany týraly habarlanǵany aıtylǵan.
«Talıbannyń» joǵarǵy basshysynyń nusqaýyn buzǵandar sharıǵat zańdary boıynsha sottalady eken, al tabylǵan tyıym salynǵan ónimniń barlyǵy dereý joıylady.
Sonymen qatar, budan bylaı Aýǵanstan elinde esirtkiniń barlyq túrlerin, sondaı-aq quramynda esirtkisi bar tabletkalar men alkogóldi zattardy paıdalanýǵa, tasymaldaýǵa, satýǵa, eksporttaýǵa jáne ımporttaýǵa jol berilmeıdi.