Aspanǵa oq atqandardy dereý tutqyndap, qarýsyzdandyrý tapsyryldy.
«Talıban» radıkaldy qozǵalysy jergilikti ákimshilikter men áskerı qyzmetkerlerge búkil Aýǵanstan aýmaǵynda áýege oq atýǵa tyıym salýǵa nusqaý berdi. Jeksenbide tıisti ókimniń mátinin qozǵalys ókili Zabıhýlla Mýdjahıd Twitter-de jarıalady, dep habarlaıdy Almaty-akshamy.kz QazAqparat-qa silteme jasap.
«Aýǵanstan Islam ámirliginiń» (tálipterdiń ózin-ózi ataýy) áskerı ister jónindegi komısıasy qol qoıǵan nusqaýlyqta «Kabýlda jáne eldiń basqa da qalalarynda áýege oq jaýdyrý adamdardyń ólimine jáne jaraqattanýyna, sondaı-aq beıbit turǵyndar arasynda úreı týdyratyny» aıtylǵan.
«Osyǵan baılanysty Kabýl men provınsıalardaǵy barlyq áskerı sheneýnikter, komandırler jáne basqa da jaýapty adamdarǵa aspanǵa oq atqandardy dereý tutqyndap, qarýsyzdandyrý tapsyryldy. Kabýl men provınsıanyń polısıa basshylaryna, sondaı-aq barlaý qyzmetkerlerine quqyq buzýshylardy anyqtaý jáne jazalaý úshin jedel jáne qatań sharalar qabyldaýǵa nusqaý berildi», - delingen tálipterdiń nusqaýynda.