Armıa halyqaralyq oıyndarynyń «Tank bıatlony» konkýrsy aıaqtaldy.
Máskeý mańyndaǵy «Alabıno» polıgonynda Armıa halyqaralyq oıyndarynyń «Tank bıatlony» konkýrsy aıaqtaldy. El áskeriniń namysyn qorǵaǵan komanda úshinshi oryn ıelendi, dep habarlaıdy Almaty-akshamy.kz QR Qorǵanys mınıstrliginiń baspasóz qyzmetine silteme jasap.
Aqtyq jarys aınalymyna Ázerbaıjannyń, Qazaqstannyń, Qytaı men Reseıdiń tank ekıpajdary shyqty. Qazaqstandyq tankıster barlyq atys shebin dál kózdep, oq atýdan sheberlikterin kórsetti. Úsh atys shebinen basqa jańbyr sýynan laılanǵan trassadaǵy on bir kedergi saıysty qıyndatty. Aınalym barysyna reseılik tankıster birden alǵa ozyp shyqty, olardyń sońynan sál aıyrmashylyqpen Qytaı tank ekıpajdary jetti. Júldeli oryn úshin tartys Qazaqstan men Ázerbaıjan arasynda órbidi.