Almaty oblysynyń prokýratýrasy Talǵar aýdanynda bolǵan er adamdy atý jáne kishkentaı qyzdy urlaý oqıǵasynan keıin jergilikti polısıa qyzmetkerleriniń áreketsizdigine baılanysty qylmystyq is qozǵady, dep habarlaıdy Aqshamnews.kz tilshisi.
«2025 jylǵy 6 qyrkúıekte oblys prokýratýrasy Talǵar aýdanynyń polısıa bólimindegi laýazymdy tulǵalardyń áreketsizdigine (QK 370-baby, 4-bóligi) qatysty qylmystyq is tirkedi. Olar kúdiktini der kezinde qamaýǵa alý sharalaryn qoldanbaǵan. Sonyń saldarynan ol Qyzyl-Qaırat aýylynda er adamdy atyp óltirip, kámeletke tolmaǵan qyzdy urlap áketti», – delingen oblystyq prokýratýranyń baspasóz qyzmeti taratqan aqparatta.
İs arnaıy prokýrorlardyń óndirisine berildi. Onyń tergeýi oblys prokýratýrasynyń erekshe baqylaýynda bolady.
Sonymen qatar, vedomstvo jalǵan aqparat taratqandardyń zań aldyndaǵy jaýapkershiligin eske salyp, tek resmı derekkózderge senýge shaqyrdy.
«QR Qylmystyq-prosestik kodeksiniń 201-babyna sáıkes, ózge málimetter jarıa etilmeıdi», – dep tolyqtyrdy prokýratýra.
Eske salaıyq, buǵan deıin Talǵarda er adamdy atyp óltirip, onyń eki jasar qyzy urlanǵany habarlanǵan edi.