Almaty qalasy ákiminiń orynbasary Oljas Smaǵulov Indýstrıalyq aımaqqa baryp, júzege asyp jatqan ınvestısıalyq jobalardyń barysymen tanysty.
«Qazaq Prom Stroy» JSHS zaýytynyń qurylys alańynda ol jumys kestesiniń kesheýildegenin aıtyp, qurylys-montaj jumystaryn jedeldetýdi tapsyrdy. Sondaı-aq, «TMT Group» kompanıasynyń balyq óńdeý zaýytynyń qurylysy boıynsha da osyndaı tapsyrma berdi.
Sonymen qatar «Severpark», «Kapstroıgrýpp-T» jáne «PromPark» shaǵyn ónerkásiptik parkteriniń jobalary talqylandy. Jumysty jedeldetý men zamanaýı sáýlet talaptaryn saqtaý qajettiligine basa nazar aýdaryldy.
Ákimniń orynbasary jeńil jáne tamaq ónerkásibiniń kásiporyndary jumys istep jatqan qoldanystaǵy shaǵyn óndiris parkterin de aralap kórdi.
Bul jobalardyń júzege asýy Almatydaǵy ónerkásip áleýetin kúsheıtip qana qoımaı, jańa jumys oryndaryn ashyp, ınvestısıalyq belsendilikti de arttyra túspek.