Ol 13 jastaǵy jergilikti turǵyn bolyp shyqty
Almaty oblysynda terorızm aktisi týraly jalǵan habarlama bergen jasóspirim ustaldy. 30 qarashada Talǵar aýdandyq polısıa basqarmasynyń kezekshi bólimine kolejderdiń birinde terorızm aktisi bolatyny jaıynda aqparat kelip túsken, dep habarlaıdy Almaty-akshamy.kz Zakon.kz-ke silteme jasap.
Oqıǵa ornyna saperler, kınologtar jáne basqa da mamandar shaqyrylyp, ǵımarat túgel tekserilgen. Aqparat rastalmady.
Bul quqyqbuzýshylyq Talǵar aýdany polısıa basqarmasynda QR QK 273-baby "Terorızm aktisi týraly kórineý jalǵan habarlama" boıynsha tirkeldi. Jedel-izdestirý jumystary barysynda polısıa qyzmetkerleri Almaty oblysy boıynsha UQKD-men birlesip kúdiktiniń jeke basyn anyqtady. Ol 13 jastaǵy jergilikti turǵyn bolyp shyqty.
Qazirgi ýaqytta tergeýshiler kámeletke tolmaǵan balanyń zańdy ókilderi men psıhologtardyń qatysýymen barlyq qajetti tergeý áreketterin júrgizip jatyr.
Terorızm aktisi týraly kórineý jalǵan habarlaǵany úshin bes myń aılyq eseptik kórsetkishke deıingi mólsherde aıyppul (búginde 14,5 mln teńge) ne sol mólsherde túzeý jumystary túrindegi jaza, sonymen birge bes jylǵa deıingi merzimge shekteý nemese bas bostandyǵynan aıyrý kózdelgen.