Almaty oblysy Talǵar aýdanynyń turǵyndary Talǵar ózenindegi balyqtyń jappaı qyrylýy men sýdyń jaǵymsyz ıisine shaǵymdandy. Mamandar máseleniń mán-jaıyn anyqtap jatyr, dep habarlaıdy almaty-akshamy.kz QazAqparat tilshisine silteme jasap.
Kýágerler ózen jaǵasyndaǵy óli balyqtardy vıdeoǵa túsirgen. Olardyń boljaýynsha, jaqyn mańda ornalasqan kompanıa las sýdy ózenge aǵyzýy múmkin.
«Almaty oblysy, Eńbekshiqazaq aýdany, Bazarkeldi aýyly... Barlyq balyq bir ýaqytta qyrylyp qaldy, sýdan jaǵymsyz ıis shyǵady. Munyń bári qashan bitedi, birinshi jyl emes qoı. Qashan naqty sharalar qabyldaıdy?» - dep shaǵymdandy turǵyndar áleýmettik jelilerde.
Eńbekshiqazaq aýdanynyń ákimdigi habarlaǵandaı, Qapshaǵaı balyq bóliminiń mamandary ekspedısıa bóliminiń basshysymen, tabıǵatty qorǵaý polısıasy qyzmetkerlerimen jáne Jańashar aýyldyq okrýginiń ákimimen birlesip, 10 tamyz kúni balyqtyń qyrylýy faktisi boıynsha Talǵar ózeniniń jaǵalaýyn teksergen.
«Sýdyń synamalary alynyp, ári qaraı zerthanalyq taldaý úshin balyq shabaqtary jınaldy. Taldaý nátıjeleri aldaǵy ýaqytta Almaty oblysynyń ekologıa departamentine joldanatyn bolady. Tıisti sharalar qabyldanady», - dep jaýap berdi ákimdik.