Aldyn ala boljam boıynsha 116 mln teńge qarajatty talan-tarajǵa salǵan
Taldyqorǵanda oblystyq kópsalaly balalar aýrýhanasynyń esepshisi qamaýǵa alyndy, dep habarlaıdy Almaty-akshamy.kz inbusiness.kz-ke silteme jasap.
"Oblystyq kópsalaly balalar aýrýhanasynyń esepshisine qatysty sotqa deıingi tergep-tekserý bastaldy. Bul jerde esepshi qujattarǵa jalǵan aqparattar engizip, nátıjesinde memlekettik búdjet qarajatyn óziniń qaltasyna basqan. Ol aldyn ala boljam boıynsha 116 mln teńge qarajatty talan-tarajǵa salǵan. Qazirgi tańda atalǵan qyzmetker ýaqytsha ustaý ızolátoryna qamaldy", - dedi Jetisý oblystyq ekonomıkalyq tergeý departamentiniń asa mańyzdy ister boıynsha tergeýshisi Erbol Qurmanbaev.
Al atalǵan aýrýhananyń mamandary zeınetaqy jáne medısınalyq saqtandyrý qoryna aýdarylatyn jarnanyń túspegenin kezdeısoq bilip qalǵan.
"Mine, bes aı boldy, ne zeınetaqy qoryna, ne medsaqtandyrý qoryna aqsha túspegen. Bárimiz aı saıyn ýaqtyly aılyǵymyzdy alyp otyrdyq. Biraq bizge tıesili jarnany aýdarmaǵan. Ózim bankke nesıe rásimdeýge barǵanda ǵana jarnanyń túspegenin bildim. Esepshige kelip, aıtyp túsindirdim. Jarna túsedi dedi, biraq úsh aıdan asty, bir tıyn da túsken joq", - deıdi oblystyq kópsalaly balalar aýrýhanasynyń medbıkesi Janerke Qyzaıhan.