«QTJ – Júk tasymaly» JSHS 16 qazannan bastap júkterdi temirjol kóligimen tasymaldaý boıynsha kórsetiletin qyzmetterdiń qunyn ósiredi. Bul týraly Almaty-akshamy.kz «Astyq Trans» kompanıasynyń baspasóz qyzmetine silteme jasap habarlaıdy.
«QTJ – Júk tasymaly» JSHS júkterdi tasymaldaý kezinde lokomotıvtik tartym qyzmetterine shekti baǵalardyń ósýine baılanysty 16 qazannan bastap júkterdi temirjol kóligimen tasymaldaý boıynsha kórsetiletin qyzmetter quny qymbattaıdy.
Esterińizge sala keteıik, kólik-ekspedıtorlyq qyzmetter úshin klıentke usynylatyn tarıftik stavka «Qazaqstan temir joly» UK» AQ temirjol tarıfin qamtıdy.
«2022 jylǵy 16 qazannan bastap tasymaldaý qunynyń artýy tasymaldaýshy tarıfiniń ósýine ǵana baılanysty», - delingen habarlamada.