Jeltoqsan oqıǵasyna obektıvti baǵa beretin derekti fılm túsirý kerek
Onyń eskızin ázirleýge jeltoqsandyqtardyń ózderi qatysady, al qajetti qarjylaı qoldaý oblys ákimdigi tarapynan kórsetiledi. Bul týraly búgin Táýelsizdik kúni qarsańynda 1986 jylǵy Jeltoqsan oqıǵasyna qatysýshylarmen ótkizgen dástúrli kezdesýde oblys ákimi Beıbit Isabaev aıtty, dep habarlaıdy Almaty-akshamy.kz Jetisý oblysy ákiminiń baspasóz qyzmetine silteme jasap.
Kezdesýge 29 jeltoqsandyq keldi, jalpy, óńirde atalmysh oqıǵaǵa qatysqan 74 azamat turady.
Beıbit Isabaev jınalǵandarmen áńgimelesip, óziniń jýrnalısik qyzmette bolǵan sol jyldardaǵy estelikterimen bólisti.
Kezdesýge qatysýshylar atynan «Jetisýlyq jeltoqsandyqtar» oblystyq qoǵamdyq birlestiginiń jetekshisi Ermuhan Júnisqan, jeltoqsan oqıǵasyna qatysýshylar Baǵdat Aıtmuqaeva, Tolqyn Musahanqyzy jáne basqa da azamattar sóz aldy.
Beıbit Isabaev jeltoqsandyqtarmen basqosýdy budan bylaı jıi ótkizip turatynyn aıtyp, osy sanattaǵy azamattarǵa qajetti qoldaýlar kórsetý týraly tıisti memlekettik organdarǵa tapsyrma berdi. Endi Jetisýdaǵy jeltoqsandyqtarǵa medısınalyq qyzmet kórsetýde jeńildikter qarastyrylady. Olar kelesi jyldan bastap sanatorlyq-kýrorttyq em qyzmetin jylyna bir ret tegin paıdalana alady. Jylyna bir ret beriletin materıaldyq kómek somasy 50 myń teńgege ulǵaıtylyp, bıyldan bastap onyń somasy 200 myń teńgege jetkiziletin boldy. Sondaı-aq oblys ákimi Taldyqorǵanda jetisýlyq jeltoqsandyqtardyń aty-jóni jazylǵan monýment turǵyzý, olar týraly estelikter kitabyn shyǵarý týraly usynysyn aıtty.
- Sizdermen Táýelsizdik kúni qarsańynda ǵana emes, jyldyń basynda da kezdesý ótkizsek, jyl boıy birlesip qandaı is-sharalar atqaratynymyzdy aqyldasyp josparlaǵanǵa tıimdi bolar edi. Memleket basshysy Qasym-Jomart Toqaev «Azattyqtyń alǵashqy qarlyǵashtary – Jeltoqsan qaharmandarynyń azamattyq erligi laıyqty baǵasyn alyp, josparly túrde nasıhattalýy kerek», - degen bolatyn. Taldyqorǵanda monýmentti «Jastar» saıabaǵyna qoıýǵa bolady, biraq orny týraly áli de aqyldasaıyq. Jeltoqsan oqıǵasyna obektıvti baǵa beretin derekti fılm túsirý kerek, kitap shyǵarý kerek dep esepteımin, - dedi B.Isabaev.