Jazǵy oıyndar 3 tamyzǵa deıin jalǵasady.
Jetisý óńirinde Aýyl jasóspirimderiniń IV jazǵy oıyndary bastaldy. Jarys sporttyń 12 túrinen ótýde. Oǵan elimizdiń 14 oblysynan 3 myńnan astam sportshy qatysady, dep habarlaıdy Almaty-akshamy.kz.
Jarys baǵdarlamasyna sáıkes, voleıbol men asyq atýdan «Jastar» sport saraıynda, grek-rım kúresi, erkin kúres, qazaq kúresinen «Órken» sport kesheninde, dzúdodan «Jastar 2» sport kesheninde, shaǵyn fýtboldan «Bolashaq» stadıonynda, kógaldaǵy hokeıden «Besarys» stadıonynda, basketbol 3h3-ten İ.Jansúgirov atyndaǵy ýnıversıtetiniń sport kesheninde, ústel tenısinen «Jetisý» tenıs ortalyǵynda, toǵyzqumalaqtan Jastarǵa qyzmet kórsetý ortalyǵynda, armrestlıngten Ótenaı aýyldyq okrýginiń mádenıet úıinde ótedi. Jazǵy oıyndar 3 tamyzǵa deıin jalǵasady.
«Tórt jylda bir ret jalaýyn jelbiretetin bul doda osyǵan deıin 2018 jyly Syr óńirinde ótken bolatyn», - delingen Jetisý oblysy ákiminiń baspasóz qyzmetiniń habarlamasynda.