«Saıga» karabıni, «IJ-56» aralas myltyǵynyń kesindisi, sıgnaldyq revolver, tapansha
Taldyqorǵanda atys qarýy bar qoıma tabyldy, dep habarlaıdy Almaty-akshamy.kz.
Taldyqorǵandaǵy saıajaılardyń birinen óńirdiń polıseıleri Ulttyq qaýipsizdik komıtetiniń Jetisý oblystyq departamentindegi jedel ýákilderimen birlesip iri qarý qoımasyn anyqtady.
«Qoımadan «Saıga» karabıni, «IJ-56» aralas myltyǵynyń kesindisi, sıgnaldyq revolver, tapansha, sonymen qatar 100-den astam túrli kalıbrli patrondar, 13 gılza, kisen jáne kobýra tárkilendi»,- delingen Jetisý oblystyq polısıa departamenti baspasóz qyzmetiniń habarlamasynda.
Vedomstvonyń aqparatyna sáıkes, atalǵan derek boıynsha qylmystyq is tirkelip, tergeý bastaldy. Tárkilengen zattar saraptamaǵa jiberildi.