Qazir oblys turǵyndarynyń 10 paıyzy ǵana kógildir otynǵa qol jetkizgen.
Prezıdent Qasym-Jomart Toqaev Jetisý oblysyna jumys sapary kezinde óńirdiń gazben qamtý máselesine toqtaldy, dep habarlaıdy Almaty-akshamy.kz
Onyń aıtýynsha, bul shara halyqtyń jaıly ómir súrýine, turmys sapasyn jaqsartýǵa áser etedi. Sondaı-aq, ekologıalyq máselelerdi sheshýge septigin tıgizedi.
«Almaty – Taldyqorǵan» magıstraldi gaz qubyry salynyp, oblys ortalyǵyna gaz tolyq berildi. 2025 jylǵa qaraı Kerbulaq aýdanynan Taldyqorǵan qalasynyń mańyna deıin barlyq eldi mekendi gazben tolyq qamtamasyz etýdi tapsyramyn. Sonymen qatar, «Taldyqorǵan – Úsharal» baǵytynda gaz qubyryn tartý kerek. Bul 180 myń adam turatyn Aqsý, Sarqan, Alakól aýdandaryna gaz jetkizýge múmkindik beredi», - dedi Prezıdent.
Memleket basshysy Úkimetke osy jobany qarjylandyrýdy tapsyrdy.
«Sonymen birge, gaz jelisine qosylý quny azamattar úshin tym qymbatqa túspeýi qajet», - dedi Toqaev.